അദ്ദിക്ർ

ഇവിടെ യഥാര്‍ത്ഥ പ്രാര്‍ത്ഥനക്ക് അര്‍ഹന്‍ അല്ലാഹു മാത്രമാണ് എന്നും ഉദ്ദേശമു ണ്ട്. യഥാര്‍ത്ഥത്തില്‍ വിളിക്ക് അര്‍ഹന്‍ എന്ന് പറഞ്ഞാല്‍, ആരിലേക്കാണോ ജനങ്ങളെ വിളിക്കേണ്ടത്, അതിന് അര്‍ഹന്‍ എല്ലാറ്റിന്‍റെയും ഉടമയായ പ്രപഞ്ചനാഥന്‍ മാത്രമാണ് എന്നാണ്. ആഗ്രഹങ്ങള്‍ സഫലീകരിക്കുക, ആവശ്യങ്ങള്‍ നിറവേറ്റുക, ദുരിതങ്ങള്‍ അകറ്റുക എന്നിവക്കുള്ള മുഴുവന്‍ കഴിവുകളും അധികാരങ്ങളും പ്രപഞ്ചത്തെ അടക്കി ഭരിക്കുന്ന ഏകാധിപതിയും ത്രികാലജ്ഞാനിയുമായ പ്രപഞ്ചനാഥന്‍റെ പക്കല്‍ മാത്രമാണ്. അതിനാല്‍ അവനോട് മാത്രമേ പ്രാര്‍ത്ഥിക്കാവൂ. അവനെക്കൂടാതെ അവന്‍റെ സൃഷ്ടിക ളെ വിളിച്ച് പ്രാര്‍ത്ഥിക്കുന്നവര്‍ ശപിക്കപ്പെട്ട പിശാചിനെയാണ് വിളിക്കുന്നത്, അവര്‍ കാ ഫിറുകളും അവരുടെ പ്രാര്‍ത്ഥന വഴികേടിലുമാണ് എന്ന് 4: 117 ല്‍ പറഞ്ഞിട്ടുണ്ട്. കപടവിശ്വാസികളായ നേതാക്കളും അവരെ പണ്ഡിതരെന്ന് ധരിച്ച് പിന്തുടര്‍ന്നിരുന്ന അനുയായി കളും നരകത്തിന്‍റെ പാറാവുകാരോട് പറയുന്നതാണ്: ശിക്ഷയില്‍ നിന്ന് ഒരു ദിവസം ഞങ്ങള്‍ക്ക് ലഘൂകരിച്ച് തരുവാന്‍ നിങ്ങളുടെ നാഥനോടൊന്ന് പ്രാര്‍ത്ഥിക്കുക; അപ്പോ ള്‍ പാറാവുകാര്‍-മലക്കുകള്‍-ചോദിക്കും: നിങ്ങള്‍ക്ക് വ്യക്തമായ തെളിവും-അദ്ദിക്ര്‍- കൊ ണ്ട് നിങ്ങളില്‍ നിന്നുള്ള പ്രവാചകന്‍മാര്‍ വന്നിട്ടുണ്ടായിരുന്നില്ലേ? അവര്‍ മറുപടി പറ യും: അതെ, വന്നിരുന്നു. മലക്കുകള്‍ പറയും: എന്നാല്‍ നിങ്ങള്‍ തന്നെ അല്ലാഹുവിനോ ട് വിളിച്ചുപ്രാര്‍ത്ഥിക്കുക, കാഫിറുകളുടെ പ്രാര്‍ത്ഥന വഴികേടല്ലാതെ വര്‍ദ്ധിപ്പിക്കുകയു മില്ല എന്ന് 40: 47-50 ല്‍ മുന്നറിയിപ്പ് നല്‍കിയിട്ടുണ്ട്.

അപ്പോള്‍ അല്ലാഹുവിനെക്കൂടാതെയുള്ളവരെ വിളിച്ചുപ്രാര്‍ത്ഥിക്കുകയും നേര്‍ച്ച വഴിപാടുകള്‍ അര്‍പ്പിക്കുകയും ചെയ്യുന്നവര്‍ക്ക് ആഗ്രഹങ്ങള്‍ സഫലീകരിക്കപ്പെടുകയും ആവശ്യങ്ങള്‍ നിറവേറുകയും ദുരിതങ്ങള്‍ അകറ്റപ്പെടുകയും സന്താനലബ്ധിയുണ്ടാവു കയും സാമ്പത്തിക നേട്ടങ്ങളുണ്ടാവുകയുമൊക്കെ ചെയ്യുന്നുണ്ടല്ലോ എന്നാണ് അറിവില്ലാത്ത സാധാരണക്കാരുടെ വാദമെങ്കില്‍ അത് ശരിയാണ്, പക്ഷേ അത് പിശാചില്‍ നി ന്നാണ്. ഇഹലോകത്ത് ഇത്തരം നേട്ടങ്ങളെല്ലാം പ്രദാനം ചെയ്യാന്‍ പിശാചിന് അല്ലാഹു കഴിവ് കൊടുത്തിട്ടുണ്ട്. എന്നാല്‍ അവര്‍ പരലോകത്തില്‍ എല്ലാം നഷ്ടപ്പെട്ടവരായിരിക്കും. അവര്‍ മരണസമയത്ത് അവരുടെ ആത്മാവിനെതിരെ നിശ്ചയം അവര്‍ കാഫിറുകള്‍ ത ന്നെയായിരുന്നു എന്ന് സാക്ഷ്യം വഹിച്ച് കാഫിറായ പിശാചിന്‍റെ വീടായ നരകത്തില്‍ പ്രവേശിക്കുന്നതാണ്. 19: 83 ല്‍, കാഫിറുകളുടെ കാര്യങ്ങള്‍ സാധിപ്പിച്ചു കൊടുക്കാന്‍ നി ശ്ചയം നാം പിശാചിനെ അയച്ചിട്ടുള്ളത് നീ കണ്ടില്ലേ എന്ന് ചോദിച്ചിട്ടുണ്ട്. 17: 63-64 ല്‍, അല്ലാഹു പിശാചിനോട്: നീ നിനക്ക് നല്‍കിയ കഴിവുകളും കൊണ്ട് ഭൂമിയിലേക്ക് പോകുക, മനുഷ്യരില്‍ നിന്ന് നിന്നെ പിന്‍പറ്റുന്നവരാരോ, അപ്പോള്‍ നിശ്ച യം നിങ്ങള്‍ക്കുള്ള പ്രതിഫലം നരകക്കുണ്ഠമാണ്, അത് തികഞ്ഞ പ്രതിഫലം തന്നെ; നിന്‍റെ ശബ്ദം കൊണ്ട് അവരില്‍ നിന്ന് കഴിയുന്നവരെയൊക്കെ നീ വ്യതിചലിപ്പിച്ചുകൊ ള്ളുക, നിന്‍റെ കുതിരപ്പടയെയും കാലാള്‍പ്പടയെയും അവരെക്കൊള്ളെ നയിക്കുകയും ചെയ്യുക, അവരുടെ സമ്പത്തിലും സന്താനങ്ങളിലും അവരോടൊപ്പം പങ്കുചേരുകയും അവര്‍ക്ക് വാഗ്ദാനങ്ങള്‍ നല്‍കുകയും ചെയ്യുക, അവരോടുള്ള പിശാചിന്‍റെ വാഗ്ദാനം വഞ്ചനയല്ലാതെ അല്ല എന്നും പറഞ്ഞിട്ടുണ്ട്. ചുരുക്കത്തില്‍ 'ഉള്‍കാഴ്ച്ചാദായകമായ' അദ്ദിക്ര്‍ ഉപയോഗപ്പെടുത്തി അല്ലാഹുവിനെയും പിശാചിനെയും തിരിച്ചറിയാത്ത ആയിരത്തില്‍ തൊള്ളായിരത്തി തൊണ്ണൂറ്റി ഒമ്പത് പേരും പിശാചിന്‍റെ കെണിയില്‍ പെട്ട് നൈമിഷികമായ ഐഹികലോകം ലഭിച്ച് ശാശ്വതമായ പരലോകം നഷ്ടപ്പെട്ടവരായി ത്തീരുന്നതാണ്. അദ്ദിക്റില്‍ നിന്ന് പിശാചിനെ മനസ്സിലാക്കിയിട്ടും മറ്റുള്ളവര്‍ക്ക് പരിചയപ്പെടുത്താത്ത കപടവിശ്വാസികള്‍ വിചാരണയില്ലാതെ നരകത്തിലേക്ക് പോകുന്നവരാണെങ്കില്‍ അല്ലാഹു വധിച്ചുകളഞ്ഞ അവരെ പിന്‍പറ്റുന്ന അനുയായികള്‍ വിചാരണക്ക് ശേ ഷം കൂട്ടം കൂട്ടമായി നരകക്കുണ്ഠ ത്തിലേക്ക് തെളിക്കപ്പെടുന്ന കാഫിറുകളാണ് എന്ന് 39: 71-72 ല്‍ പറഞ്ഞിട്ടുണ്ട്. നരകത്തില്‍ വെച്ച് നേതാക്കളും അനുയായികളും പരസ്പ രം പഴിചാരുന്ന, തര്‍ക്കിക്കുന്ന, കുറ്റപ്പെടുത്തുന്ന രംഗം 2: 165-167 ല്‍ വിവരിച്ചിട്ടുണ്ട്.

'വെള്ളത്തിലേക്ക് കൈ നീട്ടി അതിനോട് വായിലേക്ക് എത്തിപ്പെടുക എന്ന് പറ ഞ്ഞാല്‍ അത് വായിലേക്ക് എത്തിപ്പെടുകയില്ല' എന്നതുപോലെയല്ലാതെ കാഫിറുകളുടെ പ്രാര്‍ത്ഥനക്ക് ഉത്തരം കിട്ടുകയില്ല എന്നാണ് സൂക്തത്തില്‍ പറഞ്ഞതെങ്കില്‍, അല്ലാഹുവിനെ മാത്രം സേവിക്കുകയും അവനെ ജീവിപ്പിക്കുകയും ചെയ്യുന്ന അവന്‍റെ പ്രതിനി ധികളായ വിശ്വാസികള്‍ക്ക് കാര്യകാരണബന്ധത്തിന് അതീതമായി വെള്ളത്തിലേക്ക് കൈ ചൂണ്ടാതെത്തന്നെ വെള്ളം ലഭിക്കുന്നതാണ്. ഒരിക്കല്‍ വെള്ളത്തിന് അത്യാവശ്യം വന്ന ഘട്ടത്തില്‍ പ്രവാചകന്‍റെ വിരലില്‍ നിന്ന് അല്ലാഹു വെള്ളം പുറപ്പെടുവിച്ചിട്ടുണ്ട്. അദ്ദിക്റിനെ ജീവിപ്പിക്കുന്ന അന്ത്യനാള്‍ വരെയുള്ള വിശ്വാസികള്‍ക്ക് ഇഹത്തിലും പരത്തിലുമുള്ള എല്ലാ ആഗ്രഹങ്ങളും സഫലമാകുമെന്നാണ് 'അല്ലാഹു അവരുടെ കയ്യും കാലുമായിത്തീരും' എന്ന് ഖുദ്സിയായ ഹദീസില്‍ പഠിപ്പിച്ചതിന്‍റെ പൊരുള്‍. 2: 186; 11: 118-120; 12: 108 വിശദീകരണം നോക്കുക.